సీఎం జగన్ పేషీలో పనిచేసే అధికారి డ్రైవర్ సహా ఐదుగురికి కరోనా..

ఆంధ్రప్రదేశ్
15 Views

ఏపీ సచివాలయంలో కరోనా కలకలం రేపుతోంది. ముఖ్యమంత్రి వైఎస్ జగన్ మోహన్ రెడ్డి పేషీలో పనిచేసే అధికారికి చెందిన డ్రైవర్ సహా ఐదుగురు ఉద్యోగులకు కరోనా పాజిటివ్‌గా నిర్ధారణ అయింది. ఇప్పటి వరకు మొత్తంగా ఏపీ సచివాలయంలో 10 మందికి కరోనా పాజిటివ్‌గా నిర్ధారణ అయింది. తాజాగా ఔట్‌సోర్సింగ్ ద్వారా కమాండ్ కంట్రోల్‌లో పనిచేసే ఓ ఉద్యోగికి, ప్రణాళిక విభాగంలో డ్రైవర్‌గా పనిచేస్తున్న వ్యక్తికి, పరిశ్రమల శాఖలో పనిచేసే మరో ఉద్యోగి, సీఎం బ్లాక్‌లో ఆర్‌టీజీఎస్‌లో పనిచేసే సర్వీస్ ప్రొవైడర్‌కు, సీఎం పేషీలో పనిచేసే అధికారి డ్రైవర్‌కు, ఉన్నత విద్యాశాఖలో డేటా ఎంట్రీ ఆపరేటర్‌కు కరోనా నిర్ధారణ అయినట్లు తెలుస్తోంది. మొదట హైదరాబాద్‌ నుంచి వచ్చిన ఏపీ సచివాలయ ఉద్యోగుల్లో పలువురికి కరోనా వైరస్ నిర్ధారణ అయిన విషయం తెలిసిందే. ఈ నేపథ్యంలో సచివాలయంలోని 3, 4 బ్లాకుల్లో పనిచేసే ఉద్యోగులు కార్యాలయాలకు రావొద్దని ఉద్యోగుల సంఘం సూచనలు చేసింది. 3, 4 బ్లాకుల్లో పనిచేసే ఇద్దరికి కరోనా సోకడంతో జాగ్రత్తలు తీసుకోవాలని సంఘం సూచించింది. సచివాలయాన్ని శానిటైజ్ చేస్తున్నారు. ఈ తరుణంలో సీఎం పేషీలో పలువురికి కరోనా సోకడం కలవరపెడుతోంది.

Leave a Reply

Your email address will not be published. Required fields are marked *